VENRES DO VERÁN

As 21:00h

XULLO: días 6,13,20,27 e AGOSTO días 3,10,17,24

O Castelo de Moeche acaba de quedar abandonado por nobres, cabaleiros e servidume ante o ataque Irmandiño. Só fican no seu interior dous cómicos que non foron admitidos na comitiva e que se converten en anfitrións dos Irmandiños. Ante eles escenifican historias reais alí acontecidas e outras fantásticas alí imaxinadas.

Visita teatralizada onde se representan números clásicos do teatro medieval para revivir o pasado do castelo de Moeche despois do seu asedio na segunda guerra irmandiña.

TEXTO, DIRECCIÓN E INTÉRPRETES.- Tero Rodríguez, Lucho Penabade.

VESTIARIO.- Olga Vieites, Bety Busto

ATREZZO.- Borxa Ínsua

Ligazón ao Castelo

 FINS DE SEMANA

AGOSTO E SETEMBRO

horario: Consulta cartel

Silvina, unha muller do século XVI á que todo lle foi roubado, peregrina a Moraime. Un misterioso monxe descubriralle os segredos que Moraime ofrece a quen busca o seu lugar no mundo…

As fins de semana de agosto e setembro OS QUINQUILLÁNS estaremos en Moraime (Muxía), cunha nova visita teatralizada, dispostos a desvelar os segredos que gardan os muros do mosteiro…

Saímos na PRENSA...

Os Quinquillans celebramos o 24 de Febreiro a Rosalía en Bastavales, coa estrea desta nova visita teatralizada.

Chega agora, por fin, o momento máis importante do ano para a nosa literatura e Os Quinquilláns estamos preparados para celebralo como se merece. Desde Bastavales para o mundo…a obra de Rosalía.

Consulta as datas na nosa axenda ou no cartel da obra.

E, si queres máis información, pincha AQUI .

Grandísimo éxito da festa do celebración do Banquete de Conxo organizado polo Concello de Santiago. Fantásticos artistas e marabilloso público disfrutando xuntos.

Aqui temos un repertorio de fotos, haberá que agardar un ano para volver a celebrar o Banquete!

Conxo

Conxo

TITERES CACHEIR, PRESOS

TÍTERES CACHEIRANA, DE LA CONCHA

ROSALÍA, PONDAL, CREGO E FANDIÑO

ROSALÍA NO CENTRO DA PRAZA

ROSALÍA F EXCLAMA

ROSALÍA, CREGO,CACHEIRANA

ROSALÍA, CACHEIRANA

PONDL LE ANTE ROSALÍA

PONDAL, ROSALÍA CAMIÑANDO

PONDAL E ROSALÍA

FARALDO

FANDIÑO, VENTÁ E CUNCA

FANDIÑO E CREGO

CREGO, CACHEIRANA DE COSTAS

CACHEIRANA GRELOS

AAGUIRRE VENTÁ

AAGUIRRE BALCON MENDAÑA

3 CACHEIRANA, CREGO, ROSALÍA EN S.FIZ

Fantásticos momentos os que nos fixeron pasar o pasado verán na Guarda a señorita García e o Señor Mariñas mentres percorríamos as rúas da vila. O Señor Mariñas chegou co encargo de filmar a vida cotiá dos nosos veciños para enviar as Américas o seu traballo en agradecemento a tantos indianos que, desde alén do mar,  contribuiron a modernización do noso pobo.

Deixamos aqui unha pequena mostra desta visita teatralizada de Os Quinquilláns polas rúas da Guarda. Sirva tamén como unha pequena homenaxe aos inicios da cinematografía.

Lucho Penabade e Tero Rodriguez non paran de colleitar éxitos e parabéns desde que comezaron a aventura coa súa última obra. Trátase da adaptación de COUSAS, a máis coñecida das obras de Castelao.

Cunha escenografía moi coidada, Os Quinquilláns representan moitas das escenas e personaxes da xenial e atemporal obra, adaptada ao teatro por eles mesmos.

De novo estamos ante unha colaboración coa Editorial Galaxia, que se encarga da súa distribución.

Podes ver aqui o vídeo promocional.

Esta peza, protagonizada por Lucho Penabade e Tero Rodríguez e na que interpretan unha serie de persoaxes que van ter unha relación moi especial co espantallo, foi estreada en Decembro 2015 e xa leva máis de 50 funcións realizadas  en Auditorios, Teatros, Casas da Cultura e Colexios de toda Galicia.

ESPANTALLO AMIGO é unha adaptación teatral  de OS QUINQUILLÁNS da obra homónima de XOSÉ NEIRA VILAS, un dos fitos máis importantes da literatura infantil galega.

A obra ten a súa propia páxina no facebook .

Para saber máis e ver a galería de fotos pincha aqui.

Os Quinquilláns percorrerán no Verán  distintas vilas representando este divertido espectáculo para todos os públicos

A Tripulanta Rías (Tero Rodríguez)e o Tripulante Norai (Lucho Penabade) son dous investigadores mariños que teñen distintas hipóteses para dar explicación á orixe do sal na auga do mar. El cre as teorías científicas pero ela fai máis caso dunha lenda cuxos protagonistas viviron hai moito tempo nas proximidades da biblioteca onde se celebra o espectáculo. Tras representar a lenda, os dous tripulantes organizan unha grande expedición aos fondos mariños levándose consigo a todo o público e facéndoos partícipes de importantes descubrimentos…

Pincha aqui para ver toda a información e aqui para ir a nosa páxina do programa “Ler conta moito”.

1989-2014.Teatro familiar e de adultos, pasarrúas, animacións, espectáculos de rúa, montaxes ad hoc, visitas teatralizadas.

25 anos de traballo teatral por todo o País coa ilusión e a forza do primeiro día.

¿Queres lembrar a nosa traxectoria? (video provisional)